اتي الصباح فنزل عبادي الى رقيه ودق الباب عليها
رقيه : تعال ياولدي تعال ياغالي انا قلت خلاااص راحت ايناس معد احد حايدورعليه راحت نور عيوني الاهاي يارب ماعدمها ويوفقها
فضحك عبادي : انتي تقولي ايناس وامي تقول ايناس وانا ياعيني عليا معد احد يبغاني
رقيه بعد ماضربت على صدرها : يقطعني هوا في بعد غلاتك بس ايناس كانت شايلتني انا ماسالتك ايش تيغى يابويا
عبادي : مابغى شي بس نور عيونك قاعدت تحلفني اني امر عليكي كل يوم
رقيه بعد ماتوجهت للقبله : الاهي يوفقك ويرضي عليكي ويسخرلك زوجك ويرزقك البنين والبنات من غير عدد ويرجعك لينا سالمه غانمه باحسنها شهادةويكفيكي شر اولاد الحرام وبنات اللحرام ولايقطعبك زي ماقطعوني بناتي اللهم صلي وسلم عليك ياسيدنا محمد
عبادي : حرام عليكي يامي رقيه اخواتي مشغولين باولادهم وكمان كل واحدة فيهم في بلد ولا مافي زيهم وتعالي هنا ايش الدعاوي الحلوة دي يعني انا ماليا نصيب منها
رقيه : انت اهـ منك انت يواد انت القلب والريه والفشه الجوانيه
عبادي : الفشه الجوانيه ايوة كلي بعقي حلاوة
رقيه : طيب ياعبادي انت خلص دراسه واشتغل وشوف امك رقيه اذا ماخطبتلك احلاها بنت فيكي يامكة
ضحك عبادي : وطي حسك يامي لحسن تسمعك امي فاطمة تروح فيها
هههههه ضحكت رقيه : ايو والله هادي عشان تزوج ايناس عملت مناحه عليك انت حاتقتلنا من غير قبله بس امك رقيه قدها وقدودد خلص انت وشوف ايش حاسويك
عبادي : طيب انا رايح للمدرسه وانا راجع امر عليكي تبغي شي يامي
رقيه : ابغى سلامتك الله يرضى عليك ويهدي امك
فاكمل ضحك عبادي وهو خارجا فسمعته فاطمة
عندما عاد عبادي من المدرسه ترقبته فاطمة وراته خارجا من عند رقيه
فاطمة : هيا كوشت عليك انت كمان
عبادي : مين يامي
فاطمة : الست رقيه
عبادي : انا دخلت اشوف امي رقيه اذا تبغى شي
فاطمة : ليش هو ابوك منقص عليها حاجة
عبادي : لا يامي بس ايناس وصتني عليها
فاطمة :وصتك عليها وانا ماني امكم
عبادي : يامي استهدي بالله انتي حبيبه قلبي ايناس عارفه اني ماحتركك بس امي رقيه مين عندها وانتي عارفه ابويا على طول مشغول
فاطمة : عبادي اسمها خاله رقيه مو امي انا امك بس
عبادي : طيب يامي وحبيتي ايش سويتلي غدا لتؤم روحك جيعان والله
فاطمة: ابوشكلك من ولد خدني في دوكه مسويتلك ياسيدي البخاري الي قلبك يحبو
عبادي : بس انا ماحب غيرك
فاطمةوهيا تضحك : ياعني مارح تسيبني زي اختك
عبادي : حرام عليكي بامي والله ماحاتركك ابدا
فاطمة :الله يحفظك ليا ولايحرمني برك امين
ظل عبادي محافظا على وعده لاخته وانتهى من الثانويه وبداء يقدم على الجامعات ولكن كان خياره المفضل كليه الثروة والمعادن الموجودة في المنطقه الشرقية والتي تبعد الاف الاميال عن مكة وعندما قبل فيها كان سيطير من الفرح وكانت فرحه اباه لاتقل عن فرحته
لكن فاطمة مان سمعت الخبر حتى بدائت بالنحيب وحمزة كعادته لم يسمع لها فتوقفت عن الاكل كي يسمع لها لكن حمزة لم يشعر حتى لما تفعله وعبادي بوقوف رقيه وحمزة معه اقنعاه ان هذا المستقبل لا بعوض وان امه تريده دائما بجوارها ستغضب وترضى هكذا اقتنع عبادي وبالفعل جهز ورقه اغراضه للسفر حتى مامرضت فاطمة لعدم اكلها فسقطت ارضا كما وجدها ابنها فخاف عليها واصبح ينادي على رقيه التي ركضت عليها
رقيه : قوم ياولدي جيب من تحت شوية شربه هاذا العناد الي طيحها , فاطمة قومي اتقي الله في الولد الي حايتجنن هنا
لكن فاطمة لم تجيب عليهم فاخذ عبادي امه ورقيه الى المستشفى حيث كشفو عليها وعبادي يأنب نفسه على مافعله في امه
ورقيه : ياولدي اهدى وادعيلها ربي يقومها بالسلامة مافيها الا العافيه دحين يدوها المحلول وتصير طيبه دي امك ياولد اصغرمني بكثيييير اذا انا طيبه كيف هيا
وبالفعل ماكانت ساعه حتى فاقت فاطمة واصبحت في حاله جيدة
عبادي : امي حرام عليكي والله اتجننت خلاص وربي ماني رايح ولا مكان وحاجلس تحت رجلك ايش
